|
Im Mai hämmer endlich Taufi vom Marc gha. S'Wätter hät zum Glück mitgmacht, da mir bi Euis im Garte gfiiret händ. Afangs Juni hät d'Liliane die wilde Blaatere übercho und mir händ ghofft, dass es de Marc nöd au no überchunnt. De Wunsch isch leider nöd in Erfüllig gange. Zwei Wuche spöter, z'mittst i Euisne Ferie in Italie, häts den bim Marc au afange spriesse. Dummerwiis hät dänn d'Campingplatz-Leitig 2 Täg spöter Wind devo übercho und hät Euis bätte, de Campingplatz z'verlah, damit sich nöd anderi Gäscht astecke tüend. De Iiwand, dass die Chrankheit scho 2-3 Täg vor em Usbruch asteckend isch, händs nöd akzeptiert. Drum simmer dänn no für 4 Täg an Garda-See, wo d'Liliane sofort 2 Fründinne gfunde hät.
Grad nach de Ferie hät de Marc agfange ällei ufstah und a de Möbel entlang laufe und d'Liliane bruucht de tagduur kei Windeli meh. Sie und mir sind fescht stolz druuf. De Marc macht grossi Vortschritt i allem, wahrschinlich gahts nümme lang bis er lauft.
Aktualisierung 9.9.08: DE MARC LAUFT SIT HÜT ÄLLEI !!!
Damit's nöd z'viil uf s'Mal wird, sind d'Föteli ufteilt. Mit eme Klick uf eine vo de folgende Links findsch wiiteri Föteli zum entsprechende Thema.
8.9.08
|
