Das isch min Pink Cadillac.

Ich bin en chline Lumpesammler und tue mich gern verchleide.

Göötsche tueni für mis Läbe gern.

Es langet mir scho es Wasserglas um mich komplett nass z'mache.

Mit de Oma z'schaukle isch lässig.

Zum Glück hebt mi d'Oma, das gaht ja suscht grauslig schnell abwärts.

Jetzt bini aber ganz fescht müed. Ich schlafe glaub ich grad da ii.

Da hani im grosse Bett dörfe schlafe. De Iisbär hät min Schlaf guet überwacht.

Bim Uusflug id Tannemühle (Schwarzwald) hät mir die Geiss grad welle de Nuggi frässe.

So isch doch besser, jetzt cha sie min Nuggi nüme verwütsche.

Lueg det Papi, die herzige Meersäuli.

Ich bin fascht nümme ewäg z'kriege gsi vo dene schnusige Viechli.

Mit mim Bollerwage chani em Mami hälfe die ganze Iichäuf vom Auto is Huus z'bringe.

Bim spaziere chömmed mir fascht nöd vom Fleck, will ich doch immer so vill schöni Sache gsehne. Blüemli, Steinli, Gräsli usw.

Zu mim 1. Geburtstag hani ganz vili Gschänkli übercho. Ich chan da leider nöd alli zeige. Die Plüschmuus hani vom Opa übercho.

So toll. Ich han e Schatztruhe übercho vo mim Götti und de Andrea. Was häts echt da dinne???

D'Smarties uf mim Geburtstagschueche händ mich vill meh interessiert als s'Cherzli. Ich han aber ganz professionell s'Cherzli mit de Finger usgmacht.

Bini nöd e Hübschi im mim Chinesechleidli?

Das händ mir d'Susi und de Remo us Thailand mitbracht.

Juhui. Uf em Papi z'riite isch s'Gröschte.

 

Wieso chömmed da us dem chline Fläschli jetzt so schöni, farbigi Chugeli use? Wie macht s'Mami das nur?