|
|
Sit Afang Mai chani jetzt ganz ällei stah. Mit de Ziit hani au begriffe wie ich ganz ohni Hilf chan ufstah. Im Juni bini dänn mit em Mami und em Papi nach Italie id Ferie gfahre. De Papi hät det immer mit mir müesse go laufe und s'Ergäbnis isch gsi das ich grad nach Euisne Ferie ha chönne selber laufe. S'Meer hät mir am Afang nöd eso gfalle, aber a de Muschle und am Sand hani schuurig de Plausch gha.
|
Ich weiss scho ganz genau wie me de Fernseh muess ischalte.
|
Nöd störe!!! Ich bin am Fernseh luege.
|
|
De Ruben hät uu de Plausch am mim Laufwägeli gha. Ich ha ihm aber no müesse zeige wie er vorwärts chunt und wie me rückwärts chan parkiere.
|
Ich selber bruuche das Teil ja scho (fascht) nüme.
|
|
Ich bin de gröschti chline Fan vo de Schwiizer Nati.
|
D'Franzose, d'Togolese und d'Südkoreaner sölled nu cho, denne zeig is denn scho....
|
|
Hopp Schwiiz!!! Oh nei, jetzt hät s'Mami mir no s'falsche Fan-Gwändli agleit.
|
Denn halt... Hopp Brasilie! Sind ja au tolli Fuessballer, wo i de Seleçao mitspiiled. Sie händ nur so komischi Näme... Kaka... das hani doch amig i mine Windeli?!?
|
|
Aii... jetzt isch doch mis Büsi grad da une durre gschloffe... gemein, ich chume nöd dürre.
|
|
|
Das macht Spass so ume z'götsche.
|
Aber nachher bim Mami e chli usruebe isch au sehr schön.
|
|
Da bini s'erschte Mal am Meer. De Papi hät jede Tag es riese Gstellage an Strand abetreit, damit mirs gmüetlich und schattig händ.
|
Muschle abschläcke und Sand ässe hani zu mim Hobby gmacht.
|
|
Das isch komisch, s'Wasser hät Angscht vor mir und zieht sich zrugg...
|
.... ui, da chunts ja scho wieder. Aber wart nu, Dich schaff ich au no.
|
|
Iiiiiihhhhh.... Da häts ja Chräbse mit grosse Schere. Das passt mir dänn aber überhaupt nöd...
|
.... drum nimm ich nur no min Schwümmring und lah mich ineträge.
|
|
Hä... ich chume jetzt scho ganz ällei uf de Stuehl ufe. Aber da häts doch suscht bim Mami oder em Papi öppis z'trinke dinne?!?
|
Au guet. Eso chummi besser a die feine Sache ane. Pizza hani schaurig gärn.
|
|
Da muess i glaub ich nüt dezu säge. Guete Schutz vor de Sunne isch sehr wichtig.
|
Guete Schutz isch ja guet und rächt, aber die Chappe will i gliich nöd träge.
|
|
Das isch öppis wo mir au überhaupt nöd passt. Tüechli wo irgendwo ufghänggt sind, rupf ich einfach abe.
|
Wow, gueti Musik hät s'Mami da uf ihrem MP3-Player. Aber wo hät sie denn "Alli mini Entli" oder "Räge räge Tröpfli..."???
|
|
Zum goge Pizza ässe, hät mich s'Mami immer bsunders hübsch agleit.
|
Da no es anders vo mine hübsche Chleidli. Mir sind ja nöd nur eimal uswärts go ässe.
|
|
Ui... dä Sand chläbet aber i mim Gsicht. Aber es söll ja chic si sich wie es Monschter z'verchleide, zumindescht nach em letschte Eurovisions-Song-Contescht.
|
|
06.07.2006
|
|
|