|
Ich freue mich riesig über mis chline Brüederli. Er schlaft zwar no schuurig vill, aber s'Mami seit, das änderi bald. Ich hilfe so guet ich chan mit. Bim wickle gib ich am Mami immer die früsche Windle für de Marc und schöppele han ich ihn au scho dörfe.
Im Dezember hani jede Tag dörfe es Säckli ufmache und immer häts öppis Chlises dinne gha. Das Jahr isch s'erschtmal de Samichlaus zu mir cho. Ich ha scho es bitzli Angscht gha vorem, aber er isch ganz lieb gsi und hät mir sogar en Schoggi-Samichlaus gschänkt.
Es paar Täg spöter häts dänn ganz viil Gschänkli gäh. Ich han e Zugeli-Bahn, Playmobils, e Barbie, en Poncho, es Bäbi-Badwännli und no vili, vili anderi Sache übercho.
Im Januar und Februar isch bi Euis nöd so viil los gsi. Im März simmer dänn ide Skiferie im Flumserberg gsi. Mir händ Schneemanne baue und Schneeballschlachte gmacht und eimal hani au no de Papi in Schnee druckt. Ich han amigs gar nümme ine welle. I de Zwüscheziit hät de Marc glernt sich vom Buuch uf de Rugge z'drülle und sit em 26. März schafft ers au vom Rugge uf de Buch. Jetzt rugelet er dur die ganz Stube und verwüscht scho mini Spielsache,wo am Bode umeligged. Ich glaub jetzt muess ich afange ufpasse was er macht.
Für Föteli nur vo mir oder nur vom Marc muesch uf de Link grad aschlüssend a de Text klicke.
7.4.2008
|
